pdc #067 – diesJohr


uoins de winder un de sommer
de oind kann ned loslasse,
de anner sich ned durchsedzde
un sell bis in de mai nei

d’wind bloose sich uff
schdreide drum
in welch Richdung
‘s weider gehe soll
schugge d’wolge
her un no

ma kennd grad moine
‘s gäb do ebbs
was ned
wois
wo ‘s
no meechd

pdc #065 – iwwergäng

netzwerk

vom oine no zum annere
ischs manchmol nur ‘n schridd
weil newwedro des annere
laafd irgenwie scho mid

de winder dragd de frihling
scho halwer in sich drin
un isch ned seller frihling
de sommer scho als kinn?

machd sache so zu drenne
do iwwerhabbd noch sinn?
wo isch dem oind sei enne
em annere sei beginn?

mir mensche dun gern schoide
un doile d’sache ei
un glawe ubeschoide
‘s missd a grad so sei

des oine un des annere
kennd am end jo a bedeide
dass ‘s oine un des annere
von oinem sinn zwoi seide

bild: pixabay

pdc #011 – Winder-Blues

Winter, Klimawandel, milder Winter