pdc #070 – Goischderschdund

Zwische Zwoi un Drei heid Nachd
ebber dumme Sache machd.
Aus oinrer Schdund do werre zwoi,
awwer, kann sowas iwwerhabbt denn sei?

****

Zeid isch reladif, des wois ma doch.

Je schneller ma sich bewege dud, desdo langsamer dud se vergeh’.
Awwer hald nur gegeiwwer oinem der sich degege langsamer bewege dud.

Oh, was du immer woisch.

Des had de Eischdein feschdgschdelld.

Des kann gar ned sei. Wenn e schbannendes Fussballschbiel oguggsch,
isch Zeid ums Numgugge rum, obwohl de debei gar ned bewege dusch.

Jo, do hasch du aa widder rechd …

****

Die Zeid jagd moischd im Sausschridd,
isch allweil feschd am renne,
doch heid, do komms se aus’m Dridd
des Nachds, wenn alle penne.

Sonschd immer feschd im Vorwärdsgang,
machd se kehrd e Schdigg.
Dud beim dridde Gloggeglang
oifach e Schundeschriddle zrigg.

pdc #068 – e gschengg

morge frieh gebds jo e gschengg

faschd des gresschde,

was als mensch kannsch griege

des, an was e dobei dengg

lasst sich faschd mid nix uffwiege

un wie groß isch do die freid

ma schenggd uns jo e schdiendle zeid

ok.,

mir griege nur die glaude schdund

vom märz heid nachd do widdr zrigg

awwer

wie had scho tucholsky gewwe kund

en kloiner schdich, had jedes gligg!

pdc #066 – Sommerzeid


Kaum isch de Friehling komme,
had d’weldlich Biehn erklomme,
meechd ma de Sommer zwinge,
meh Lichd in Daag nei bringe
un opferd voller Freid
defir e Schdickle Zeid.

Ma dud e Schdund verschenge,
in d’diefe Nachd versenge,
do falld se dann in Sommerschloof
un zeehlt debei Minudeschoof.

Bild: pixabay

pdc #013 – Oi Schdund

Zeitumstellung, Sommerzeit