Zwische Zwoi un Drei heid Nachd
ebber dumme Sache machd.
Aus oinrer Schdund do werre zwoi,
awwer, kann sowas iwwerhabbt denn sei?
****
Zeid isch reladif, des wois ma doch.
Je schneller ma sich bewege dud, desdo langsamer dud se vergeh’.
Awwer hald nur gegeiwwer oinem der sich degege langsamer bewege dud.
Oh, was du immer woisch.
Des had de Eischdein feschdgschdelld.
Des kann gar ned sei. Wenn e schbannendes Fussballschbiel oguggsch,
isch Zeid ums Numgugge rum, obwohl de debei gar ned bewege dusch.
Jo, do hasch du aa widder rechd …
****
Die Zeid jagd moischd im Sausschridd,
isch allweil feschd am renne,
doch heid, do komms se aus’m Dridd
des Nachds, wenn alle penne.
Sonschd immer feschd im Vorwärdsgang,
machd se kehrd e Schdigg.
Dud beim dridde Gloggeglang
oifach e Schundeschriddle zrigg.
uffgwachd binne grad
aus meine droim
un glei zum schard
do welle alle
was von oim
eire sehnsichd
solle schdille
un
‘n haufe wiensch
erfille
wissdr was,
am beschde ischs,
i leg’ me widder no
un
dussl weg
ins irgendwo
morge frieh gebds jo e gschengg
faschd des gresschde,
was als mensch kannsch griege
des, an was e dobei dengg
lasst sich faschd mid nix uffwiege
un wie groß isch do die freid
ma schenggd uns jo e schdiendle zeid
ok.,
mir griege nur die glaude schdund
vom märz heid nachd do widdr zrigg
awwer
wie had scho tucholsky gewwe kund
en kloiner schdich, had jedes gligg!
uoins de winder un de sommer
de oind kann ned loslasse,
de anner sich ned durchsedzde
un sell bis in de mai nei
d’wind bloose sich uff
schdreide drum
in welch Richdung
‘s weider gehe soll
schugge d’wolge
her un no
ma kennd grad moine
‘s gäb do ebbs
was ned
wois
wo ‘s
no meechd
Kaum isch de Friehling komme,
had d’weldlich Biehn erklomme,
meechd ma de Sommer zwinge,
meh Lichd in Daag nei bringe
un opferd voller Freid
defir e Schdickle Zeid.
Ma dud e Schdund verschenge,
in d’diefe Nachd versenge,
do falld se dann in Sommerschloof
un zeehlt debei Minudeschoof.
Bild: pixabay
vom oine no zum annere
ischs manchmol nur ‘n schridd
weil newwedro des annere
laafd irgenwie scho mid
de winder dragd de frihling
scho halwer in sich drin
un isch ned seller frihling
de sommer scho als kinn?
machd sache so zu drenne
do iwwerhabbd noch sinn?
wo isch dem oind sei enne
em annere sei beginn?
mir mensche dun gern schoide
un doile d’sache ei
un glawe ubeschoide
‘s missd a grad so sei
des oine un des annere
kennd am end jo a bedeide
dass ‘s oine un des annere
von oinem sinn zwoi seide
bild: pixabay
2020 / 2021
Ganz schee feichd un grau verhange
isch ebbe grad e Johr gegange,
des uns als Mensche had rechd zoigd,
dass unser eibild Iwwerlegehoid
nix anners isch wie Illusion.
Mir glaabe jo, mir sin die Kron
von derre Schepfung un de Weld,
des alles in de Schadde schdelld,
was do so isch uff derre Erd
un zu seller weid Nadur aa kehrd.
Des alde Johr isch grad passé
un mir dun jedzd ins Neie geh,
mid viel Hoffnung uff e Zeid,
die uns gebd Gelegehoid,
fir e ganz banal normales Lewe,
des mer widder so erschdrewe
un
von dem uns 2020 had entfernd,
hoffe mer,
mir hen draus glernd.
Herrschafd, wie die Zeid doch rennd,
jedzd henn ma scho de erschd Adwend,
‘s Schdädtle isch schee degorierd,
mid Dannebeem un Schdern vazierd.
Un weil’s d’Nadur dies Johr so will,
werd selle Zeid noch mennerd schdill,
die Dag, wo gehn uff d’Weihnachd hie,
sin seldsam, wie zuvor no nie.
Doch wenn die Nachd fangd o ihr Schichd,
leichd owends Dir vielleichd e Lichd
dud als Kerzle im r’m Fenschdr schdeh,
un dich mid Hoffnung schdill umweh.
(c) Bild: pixabay
Uff de Schdrooße, selle gladde,
ziddre lang scho beese Schadde
en rechder Grusel gehd do um.
Driggd sich in de Egge rum,
Riddeld hefdich an de Dier,
quiedschd verwege im Schanier,
d‘ganze Weld isch grad sei Biehn
… ned nur heid an Halloween.
Bild: pixabay
Zwische Wald un feichde Wiese,
was e Rausche, was e Fließe.
Wasser hobfd von Schdoi zu Schdoi,
griegd vor Luschd sich nimeh ei.
In des Schbrudle, sonnich Blinge
dud e Veegele drin nei versinge.
Kurz druff do isches widder do,
schdelld sich an des Fließe no.
Machd die Eugle uff un zu
dud noch wibbe mid dezu,
so e Kibble, samd em Schwänzle,
faschd e bissl, wie e Dänzle!
… mehr iwwers Wasseramselwibbe
im Film “Unsere Alb”: https://www.ruppertfilm.de/unsere-alb
un als T-Shirt uff: https://shop.spreadshirt.de/unserealb
